ناس منهو يسمع الشور لا ينصح حمد
وياغشيم في المـوده تجنـب سوقهـا
اشتكي شكواي لله مـا اشكيهـا لحـد
ياعذولـي دوك عيـنـي تـجـرح موقـهـا
هاضني ورع سرى الليل يبكي ما رقد
شايـفٍ امـه يهـال الثـرى مـن فوقـهـا
يبكي امه داري انها تحـت غـدر اللحـد
عزتـي للـورع كـبـده قِـطـع معلوقـهـا
ياهلـه روفـو بحالـه تـرى الفـرقا نـكـد
يجهـل الفرقـا حـدٍ مــا تطـعـم ذوقـهـا
حمد بن بجاش الهاجري
***
والله لولا الخوف من ربي وكرهي للذنوب
كان أقول إن التراب أبعد عليك من النجوم
يا إلهي تطمئن بذكرك أرواح وقلوب
لا إله إلا أنت نسجد له ولا غيرك يدوم
وجهك الباقي وعبدك ينتظر منك المكتوب
ماله إلا ماكتبت وما يطول إلا المقسوم
يالعظيم اللي في علمك جنه ونار وغيوب
تنجي أمي من عذاب النار والقبر الكتوم
يمّه الله الّلي يعلم يوم أودعك مغصوب
يوم أحطك في القبر مدري أقوم أو ما أقوم
ما هقيت أمشي ولا خطوة ولا ألحق غروب
من عرفت إن الفراق اليوم صار أمر محسوم
صارت الدنيا تدور ولا عرفت الدرب نوب
مثل الأعمى صرت يمه ما علي شرهه ولوم
الوكاد إني غديت بصوب والدنيا في صوب
والحياة الله يجيرك صارت أقسى من اللزوم
كل ما أذكرك يمّه ينحرق شمع ويذوب
يختنق صدر المفارق كثر ما صار محروم
أذكرك وأنتي هنا وهناك ياصعب الهروب
وين ما أناظر أشوفك في عيوني كل يوم
أتخيّل طلّتك ومشيتك في هالدروب
حتّى صوتك أسمعه نفس السوالف يا رحوم
صار بيتي في عيونّي موحش وكلّه عيوب
من رحلتي لا خبر لا علم ولا عين تنوم
ما بقى للبيت نور وما بقى للجرح ثوب
ولا بقى إلا ذكرياتٍ بيني وبينك تدوم
يمّه الله لا يعاقبني ولكنّي أتوب
ليت ربي ما خلق فرقى ولا موت وهموم
أدري الجنّه تحت رجليك وللّه الوجوب
أسأل الله الرضا والفوز يالحي القيوم
خالد عبد الرحمن
بعضا مما راق لي
غالي خذاه الموت مني غصيبه
يرخص على شانه ثمانين غالي
دنيا مصايبها كثار وغريبه
ولو تبتسم ساعات ضاقت ليالي
***
آخر كلامه كان نصبح على خير
وأصبح علينا صبح تكسيه الاحزان
ماتــت امانيــــنا ولا غـــرّد الطير
من يوم جانا خبر هز الابدان
***
عز الله ان حال يصح المجانين
الي بوسط شهار يالمودماني
صبري قضى يالله بمرك تعين
عجزت اميز وين حتى مكاني
والله لونه ضرب شلفاءوسكين
غيرالشجاعه والاصول تحداني
ميرالبلادنياء تقلب بلاعين
تهدم صروح مشيده بالاماني
ويالله يامرسل نبيه على الدين
تجعل له الفردوس بيت ومكاني
شعر بعيد المدى
إحتضنك القبر من بعد التعب
حظ قبرك يا أستاذي يحتضنك
أنت مثل البرق وهطول السحب
أسقيتنا علمك .. وسابقنا بزمنك
يالله جعل قبرك من زهور وعشب
تارد على حوض النبي وطيبك رهنك
***
القلب ينشد عن هناء
ماهو مصدق هالخبر
كيف توفت وما عاد
لها عندنا ايت خبر
كيف امحي سوالفها
وضحكاتها فذاك الفجر
وكيف وكيف لهناء
ما عاد لها حاضر ابد
يارب جنة الفردوس
تكون لها اجمل خبر
الله يرحم موتانا وموتاكم جميعا
